Vida, la sabeduría d’o pueblo

VIDA. La sabeduría d’o pueblo. Asinas se tetula este espectaculo basau en o folklore aragonés y en a jota actual, a traviés d’os quals repiensa sobre la chestación d’a cultura popular y la suya presencia viva en a nuestra vida cutiana, a traviés d’o luengache que universalment s’ha manifestau: la mosica, la danza y lo ritmo.

Vida ye un espectaculo basau en una ideya d’o bailarín Ramón Artigas y que reune sobre lo escenario y dezaga d’ell a numerosos y destacaus artistas aragoneses d’o mundo d’a mosica, lo folklore y la danza, arredol de dos grans voces: las de Beatriz Bernad y Marta Peruga.

Vida, la sabeduría d’o pueblo será en o Teatro Municipal d’Alcanyiz, como parte d’a programación de Teatro, Mosica y Danza de Primavera 2019, lo día 17 de marzo a las 18 horas.