Nadal con mosica tradicional

La Chunta Municipal d’o Rabal zaragozano traye mosica tradicional a la suya campanya de Nadal. Entre atras actividatz musicals, los grupos rabaleros dedicaus a la difusión y la conservación d’o folklore tradicional participarán en una muestra de folklore y bailes tradicionals a cargo d’o Dance d’o Rabal y la suya escuela de bailes tradicionals, lo viernes 28 a las 18:30 horas, en o Centro Civico Estación d’o Norte. Y lo viernes 4 de chinero, a las 19 horas y en o mesmo puesto, lo que va camín de convertir-se en un clasico: lo Conciertazo d’Anyo Nuevo d’a Escuela Xixena, que combina temas d’o folklore aragonés y mosica clasica interpretada con trastes tradicionals. Un lujo pa despedir l’anyo y dar la bienvenida a 2019.